Çfarë thonë nxënëset për ne!

Elhamdulilah, unë kam kaluar shumë mirë. Falenderimi i takon Allahut për mundësinë dhe juve ju përgëzoj për iniciativën. Shumë prej nesh jemi motivuar të vazhdojmë studimin e këtij Libri të madh! Nuk kam parë ndonjë institut që të jep një mundësi të tillë. Pra dituri, kohë dhe libër krejtësisht pa pagesë. Mësuese shumë motivuese dhe shumë korrekte, definitivisht! Faleminderit për mundin.

- Zahide

Allahu ju shpërbleftë motra Arla për mësimin e leximit të Fjalës së Allahut ashtu siç ka zbritur dhe shpresoj ta përvetësojë leximin edhe më shumë. Ju jam shumë mirënjohëse për kohën dhe përkushtimin tuaj dhe që na ofruat mundësinë që ne të mësojmë leximin e Kuranit nga komoditeti i shtëpive tona. Allahu ju bekoftë dhe begatoftë!

- Mirvete

Faleminderit për mundin tuaj që dhatë gjatë këtij muaji megjithëse kaloi shumë shpejt, ishte shumë i suksesshëm, pasi që arritëm ta përfundojmë me sukses por meritat dhe sukseset iu dedikohen juve për mundin që dhatë, çdo sukses i joni është vlerë për ju andaj Allahu iu shpërbleftë dhe vetëm suksese.

- Flora

Allahu ju shpërbleftë për mundin dhe durimin që kishit me ne. Jam shumë e kënaqur me kursin, një mundësi për të mësuar nga ambienti i shtëpisë. Mësuese, je munduar në mënyrë sa më të thjeshtë dhe të qartë për të na shpjeguar, gjë që pati sukses te shumica prej nesh. Jam shumë e lumtur që pata mundësinë të jem pjesë e këtij grupi.

- Merita

Këtë muaj vetëm oraret e tua kanë qenë shpresë dhe mirëri për mua, mezi kam pritur që të hy në orë me ty. Një mësuese e jashtëzakonshme!

- Vale

Ky muaj për neve, mua dhe mamin ka qenë një muaj shumë i bukur, me plot mësime të reja, plot mirësi, plot bereqet. Gjithashtu jemi shumë të lumtura që Allahu na përzgjodhi të jemi pjesë e këtij kursi, me një mësuese aq të dashur dhe me shumë durim. Ju faleminderit për përkushtimim e vazhdueshëm dhe shpresojmë që Allahu të na jap vetëm suksese në vazhdimësi. Allahu ju shpërbleftë për çdo rregull e sqarim të dhënë dhe për kembënguljen tuaj që të dalim sa më mirë dhe të jemi në gjendje të lexojmë fjalën e Allahut ashtu siç ka zbritur.

- Valza

Elhamdulilah, i madhi Allah na e mundësoi të mësojmë shkronjat dhe rregullat fillestare të leximit të Kur’anit. E dashur Arla Belba e lus Allahun të ju shpërblej me xhenetin Firdeus. Ishe e palodhur dhe me shumë dashuri e përkushtim, na mësove të gjitha këto njohuri. Qofsh nën mbrojtjen e Allahut fuqiplotë në të dy botët! Tartila institute me vlera të larta!

- Luljeta

Ky ka qenë muaji më i mirë i vitit për mua, sepse kam pasur nderin që të jem nxënëse e jotja dhe të përfitoj aq shumë gjatë kësaj periudhe të shkurtër. Zoti na ka nderuar me një mësuese aq të mirë e të dashur saqë nuk kam fjalë ta përshkruaj mirësinë tënde. InshaAllah do të vazhdojme këtë rrugëtim së bashku edhe më tutje në shkencën e texhuidit.

- Xhevrije

Allahu ju shpërbleftë për punën e palodhshme. Do Zoti fatin që kemi pasur ne ta kenë edhe shumë nxënëse të tjera, t’ju njohin e të marrin njohuri nga një mësuese si ju. Allahu e shpërbleftë edhe asistenten tënde për çdo informacion dhe mund që ka dhënë. Unë lus Allahun ta kemi shëndetin dhe me këtë sukses të dalim edhe pas përfundimit të gjithë rregullave të texhuidit. Allahu na dhënët sukses të gjithave dhe ty mësuese, durim me ne.

- Jetmira

Elhamdulilah rregullat dhe mësimet në përgjithësi i keni shpjeguar shum bukur dhe i keni bërë të duken shumë të lehta. Shpresoj që të mësoj sa më shumë nga ju dhe një ditë In Shaa Allah të ndjek hapat e tua. Allahu ta shpërbleftë për punën e mrekullueshme dhe shihemi në klasa të tjera.

- Selma